Гісторыя Слуцкага цукрарафінаднага камбіната

Галоўная ПРА ПРАДПРЫЕМСТВА Наша гісторыя

22 чэрвеня 1960

Будаўніцтва завода ў Слуцку

Саветам Міністраў БССР было прынята рашэнне пра будаўніцтва ў горадзе Слуцку цукровага завода магутнасцю 3 тыс. тон цукровых буракоў за суткі.

23 снежня 1965

Першы цукар

У 1965 годзе Слуцкім цукрарафінадным заводам быў выраблены першы цукар.

6 красавіка 1976 года

Цукрарафінадны камбінат

Загадам міністра харчовай прамысловасці БССР ад 6 красавіка 1976 года Слуцкі цукрарафінадны завод быў пераўтвораны ў Слуцкі цукрарафінадны камбінат.

1996

Адкрытае акцыянернае таварыства

У працэсе прыватызацыі дзяржаўнай уласнасці прадпрыемства "Слуцкі цукрарафінадны камбінат" на падставе загада Мінаблдзяржмаёмасць нумар 62 ад 30 снежня 1996 года, выдадзенага Мінскім аблвыканкамам, пераўтворана ў адкрытае акцыянернае таварыства.

2006-2016

Прэсы сырых жамерынаў

Пастаянна ў рабоце пяць італьянскіх прэсаў сырых жамерынаў фірмы Бабіні, закупленыя паэтапна на працягу 2006-2016 гадоў па меры нарошчвання вытворчай магутнасці завода.

2007

Будаўніцтва цэха сушкі і гранулявання жамерынаў

Пабудаваны цэх сушкі і гранулявання жамерынаў. Гэта найкаштоўнейшы дадатак для корму жывёле. Арганізавана і вытворчасць сырых жамерынаў у рулонах у стрэтч-плёнцы па 1300 кілаграмаў. Плёнка дае магчымасць захоўваць прадукт у свежым стане на працягу працяглага часу.

2011

Устаноўка новага турбагенератара

На ЦЭЦ камбіната ўстаноўлены новы турбагенератар магутнасцю 7,5 МВт, камбінат поўнасцю забяспечвае свае патрэбы ў электраэнергіі і частку яе (каля 1 МВт) пастаўляе ў агульную энергасістэму. Спажыванне паліўна-энергетычных рэсурсаў за мінулыя гады заводам знізілася ў два разы.

2011-2012

Устаноўка нямецкіх цэнтрыфуг

Устаноўленыя ў дадатак да існаваўшых нямецкія цэнтрыфугі ў прадуктовым цэху, зманціраваны і ўведзены ў эксплуатацыю: другая цукрасушыльная ўстаноўка, новая станцыя рэкрышталізацыі соку другой сатурацыі, гравітацыйныя адстойнікі соку першай сатурацыі.

2012-2015

Мадэрнізацыя цеплавой схемы

Зроблена поўная мадэрнізацыя цеплавой схемы завода з устаноўкай трох новых выпарных апаратаў павярхоўнага нагрэву кожнага 5000 кв. м., польскай вытворчасці і 12 падагравальнікаў пласціністага тыпу нямецкай фірмы GEA, што дазволіла ў два разы зменшыць расход цеплавой энергіі. Штогадовая эканомія два-тры мільёны даляраў.

2013

Будаўніцтва фасовачнай фабрыкі

Уведзена ў строй новая фасовачная фабрыка з трыма аўтаматычнымі лініямі. Лініі цалкам аўтаматызаваны, а кіруе імі адзін аператар. Аўтаматы самі фармуюць пакеты з рулона паперы, самі дазуюць і насыпаюць прадукт. Нават самастойна выбракоўваюць пакеты, калі тыя не адпавядаюць норме.

2013

Мантаж дыфузійнага апарата

Змантаваны дыфузійны апарат калоннага тыпу нямецкай фірмы ВМА вытворчай магутнасцю 10 000 тон перапрацоўкі цукровых буракоў за суткі.

2014

Мантаж гравітацыйных адстойнікаў

Зманціраваны два гравітацыйныя адстойнікі дыфузійнага соку.

2014

Замена сатуратараў

Заменены на больш эфектыўныя і прадукцыйныя два сатуратары.

2015

Мантаж машыны для пакавання волкіх жамерынаў

Набытая і змантаваная машына для пакавання волкіх жамерынаў у рулоны фірмы Flexus

2016

Мантаж вертыкальнага крышталізатара утфеля трэцяга прадукта

Набыты і змантаваны пяты вертыкальны крышталізатар утфеля трэцяга прадукта, па аб'ёме роўны чатыром існуючым.

2016

Замена буракарэзак

Для забеспячэння паўнавартаснай загрузкі магутнасцей дыфузійнага апарата праведзена замена двух украінскіх буракарэзак на больш магутныя нямецкія TSM 2200-22-600-SAC і нарошчаны аб'ёмы бункераў буракоў перад буракарэзамі.

2016-2017

Аўтаматызацыя ЦЭЦ

Аўтаматызаваны тры катлы ЦЭЦ.

2017

Будаўніцтва буракамыйнага комплексу

Пабудаваны буракамыйны комплекс, які дазваляе з улікам будаўніцтва сіропных ёмістасцей нарасціць сутачную перапрацоўку буракоў да 12 тысяч тон без рэканструкцыі прадуктовага аддзялення.

2017-2020

Будаўніцтва сіропных ёмістасцей

Скончана будаўніцтва трох рэзервуараў для адводу сіропу падчас перапрацоўкі цукровых буракоў. Рэзервуар для захоўвання сіропу ўяўляе сабой сталёвую ёмістасць дыяметрам 40 м і вышынёй цыліндрычнай часткі каля 25 м з плоскім дном. У трох ёмістасцях можа захоўвацца да 128 тысяч тон бураковага цукровага сіропу, з якога пасля перапрацоўкі можна атрымаць каля 70 тысяч тон цукру.